Plantun de Prouvènço

Pèr coumpara dos planto d'encò nostre

Asperula cynanchica subsp. cynanchica & Minuartia rupestris subsp. clementei

Asperula cynanchica subsp. cynanchica

Rubiaceae

Noms en français : Aspérule à l'esquinancie, Herbe à l'esquinancie.

Descripcioun :
L'erbo-de-l'esquilènci es uno planto proun coumuno, mai pas toujour bèn couneigudo, que trachis dins li tepiero seco de colo e de mountagno. Li lòngui tijo, carrado e primo, porton d'inflourejado de poulìdi flour roso emé un long tube. Li fueio d'en bas soun verticilado alor que li di ramo d'en aut soun óupousado.

Usanço :
Ero uno erbo couneigudo pèr sougna l'esquilènci, valènt-à-dire li poustèmo (acamp) di gaio dóu còu (amidalo).

Port : Erbo
Taio : 10 à 60 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Asperula
Famiho : Rubiaceae

Coulour de la flour : Roso
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Paret - Champ
Estànci : Mesoumediterran à Subaupen
Couroulougi : Éurimediterranenco
Ref. sc. : Asperula cynanchica subsp. cynanchica L., 1753

Lineto(-de-roucas)

Minuartia rupestris subsp. clementei

Caryophyllaceae

Nom en français : Minuartie de Clementi.

Descripcioun :
Lineto renadivo que trachis dins li relarg roucaious d'auto mountagno, pulèu sus cauquié. Rebalo au sòu, li flour soun souleto o groupado pèr dos sus de pecou glandoulous. Li sepalo soun un pau mens longo que li petalo e s'atrovon de la meme loungour que lou fru. Èi la souleto Minuartia emé de fueio en lanço. La subsp. clementei fai de flour un pau mai grosso e de fueio pus estrecho que lou tipe.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Es uno planto aparado.

Port : Erbo
Taio : 1 à 5 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 2200 à 2800 m
Aparado : Vo
Remarco : Meno aparado
Juliet à avoust

Liò : Roucas - Esboudèu - Tepiero roucaiouso
Estànci : Subaupen
Couroulougi : Ouroufito-Aupenco
Ref. sc. : Minuartia rupestris subsp. clementei (Huter) Greuter & Burdet, 1984

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Asperula cynanchica subsp. cynanchica & Minuartia rupestris subsp. clementei

CCC

Coumpara Erbo-de-l'esquilènci emé uno autro planto

Coumpara Lineto(-de-roucas) emé uno autro planto